آئندہ کیمرے کے سامنے دکھائی نہیں دوں گی: رمشا خان نے ایسا کیوں کہا؟

معروف اداکارہ رمشا خان اور اداکار خوشحال خان موجودہ ڈرامہ انڈسٹری کی نمایاں شخصیات میں شمار کئے جاتے ہیں۔

دونوں نے یکے بعد دیگر دو ڈراموں میں ایک ساتھ کام کیا، اس دوران ان کے درمیان محبت پروان چڑھی، بعد ازاں دونوں نے اچانک شادی کر کے اپنے چاہنے والوں کو ورطہ حیرت میں مبتلا کردیا۔

اداکارہ رمشا خان نے شوبز اور سوشل میڈیا سے کنارہ کشی اختیار کر لی ہے اور اب ان کا کہنا ہے کہ آئندہ کیمرے کے سامنے نظر نہیں آئیں گی۔ حال ہی میں رمشا خان کی بہن انفلوئنسر علیشا خان کی شادی کے بعد ایک نیا تنازع سامنے آیا۔

علیشا ایک انفلوئنسر ہیں اور ان کی شادی کی تقریبات عوامی سطح پر منعقد ہوئیں، تاہم ان تقریبات میں رمشا اور خوشحال خان شاذ و نادر دکھائی دیے، سوشل میڈیا پر ان کی صرف ایک تصویر وائرل ہوئی جس میں انہیں ماسک اور چشمہ پہنے دیکھا گیا۔

اس صورتِ حال کے بعد جوڑے کو سوشل میڈیا پر تنقید کا سامنا کرنا پڑا اور بعض لوگوں نے قیاس آرائیاں شروع کردیں کہ شاید رمشا کو ان کے شوہر نے گھر تک محدود کر دیا ہے۔

اب رمشا خان نے نجی ٹی وی کے میزبان سے خصوصی گفتگو میں اس معاملے پر کھل کر گفتگو کی ہے۔