”نو مور نائس گائے“ ٹرمپ کی دھمکی آمیز پوسٹ دوبارہ وائرل

اے آئی کی مدد سے تیار کردہ اس تصویر میں ڈونلڈ ٹرمپ کو ہاتھ میں آٹومیٹک رائفل تھامے ہوئے دکھایا گیا ہے، جبکہ ان کے پس منظر میں کسی پہاڑی علاقے میں شدید دھماکے ہوتے ہوئے دکھائی دے رہے ہیں۔

صدر ٹرمپ نے اس تصویر کے ساتھ ”نو مور نائس گائے‘‘ کا کیپشن درج کیا ہے، جس کا اردو میں مفہوم یہ بنتا ہے کہ اب مزید نرم رویہ یا شرافت نہیں برتی جائے گی۔

سیاسی تجزیہ کاروں کے مطابق صدر ٹرمپ کی جانب سے اس جارحانہ انداز کی تصویر کو دوبارہ پوسٹ کرنے کا مقصد مخالفین اور بین الاقوامی سطح پر سخت گیر پالیسیوں اور اپنے عزم کا اعادہ کرنا ہے۔

واضح رہے کہ ٹرمپ ماضی میں بھی اپنی پالیسیوں اور سیاسی پیغامات کے اظہار کے لیے سوشل میڈیا پر غیر روایتی اور سخت زبان استعمال کرتے رہے ہیں اور یہ تصویر وہ اس سے قبل بھی 29 اپریل کو پوسٹ کرچکے ہیں اور آج اسی کا اسکرین شاٹ شیئر کیا ہے۔