ڈاکٹر کو ورزش کے دوران ہارٹ اٹیک، دردناک ویڈیو سامنے آگئی
بھارتی میڈیا رپورٹس کے مطابق ڈاکٹر شاہین رحمان جو آسام کے ناگاؤں میڈیکل کالج اینڈ اسپتال کے شعبہ کمیونٹی میڈیسن میں ایسوسی ایٹ پروفیسر تھے، 27 اگست کو مبینہ طور پر جم میں ورزش کے دوران اچانک گرنے کے بعد چل بسے۔
رپورٹس کے مطابق وہ شام تقریباً 7 بج کر 36 منٹ پر معمول کی ورزش کے دوران بے ہوش ہوئے۔ واقعہ جم میں نصب سی سی ٹی وی کیمرے میں بھی ریکارڈ ہوگیا۔ بعد ازاں انہیں طبی امداد کے لیے لے جایا گیا جہاں ڈاکٹروں نے انہیں مردہ قرار دے دیا۔
تاہم موت کی اصل وجہ کا تعین ابھی تک نہیں ہوسکا ہے اور مزید تفصیلات کا انتظار ہے۔
اس واقعے نے خاص طور پر سخت اور زیادہ شدت والی ورزش کے دوران احتیاط سے ورزش کرنے کی اہمیت پر دوبارہ توجہ مرکوز کر دی ہے۔