نجی اسپتال میں بچے کی پیدائش ہوئی یا نہیں؟ کمیٹی کی جانب سے اہم پیش رفت

پولیس کا کہنا ہے کہ ناظم آباد کے نجی اسپتال میں خاتون کی ڈیلیوری سے متعلق معاملے میں تحقیقاتی کمیٹی نے خاتون کے شوہر اور اسپتال کی لیڈی ڈاکٹر اور آپریشن کے وقت موجود دیگر اسٹاف کو ناظم آباد تھانے طلب کیا، اور تمام افراد کے رات گئے بیانات ریکارڈ کیے گئے۔

پولیس کے مطابق اسپتال انتظامیہ کا مؤقف ہے کہ ڈیلیوری کے دوران بچے کی پیدائش نہیں ہوئی ہے، اس لیے واقعے کی ٹیکنیکل بنیادوں پر تحقیقات شروع کر دی گئی ہیں، اسپتال کی تمام سی سی ٹی وی فوٹیجز اور کمپیوٹرائزڈ ریکارڈ تحویل میں لے لیا گیا ہے۔