4 سالہ نور فاطمہ سے مبینہ زیادتی کے بعد قتل کا واقعہ، لاش برساتی نالے سے برآمد
گجرات(29 اگست 2026): گجرات میں بدھ کے روز سے گھر سے لاپتہ ہونے والی چار سالہ بچی نور فاطمہ کی لاش ایک برساتی نالے سے برآمد کر لی گئی ہے۔
ریسکیو ذرائع کے مطابق نور فاطمہ کی لاش پانی میں بہہ جانے کی وجہ سے گھر سے تقریباً 5 کلومیٹر دور تک چلی گئی تھی۔ پولیس کی ابتدائی تفتیش سے یہ بات سامنے آئی ہے کہ معصوم بچی کو اس کے اپنے کزن 16 سالہ فیضان نے اغوا کیا تھا۔
پولیس کے مطابق ملزم نے بچی کو مبینہ زیادتی کا نشانہ بھی بنایا۔بچی کے والد کا کہنا ہے کہ ملزم نے جب معصوم نور فاطمہ کو برساتی نالے میں پھینکا تو وہ زندہ تھی۔