شمسو بی بی کو باپ اور بھائی نے غیرت کے نام پر قتل کیا، ایس ایس پی آپریشنز

راولپنڈی میں نیوز کانفرنس کرتے ہوئے ایس ایس پی آپریشنز طارق محبوب نے کہا کہ ٹک ٹاکر عائشہ گلامنہ کو باپ اور بھائی نے مل کر غیرت کے نام پر قتل کیا ہے، والد سمیت 5 ملزمان گرفتار کرلیے گئے ہیں۔

انہوں نے کہا کہ ٹک ٹاکر کے قتل میں اس کے کزن بھی ملوث ہیں۔

ایس ایس پی آپریشنز نے بتایا کہ ٹک ٹاکر کو تقریب میں شرکت کرنے پر ورثا نے منصوبے کے تحت قتل کیا ہے۔

انہوں نے کہا کہ ٹیکنالوجی اور کیمروں کی مدد سے ملزمان کو گرفتار کیا گیا ہے جن میں والد، بھائی، چچا، چچا زاد بھائی کا بیٹا گرفتار ہیں۔