کیا تعلیمی ادارے 31 اگست تک بند ہونے جا رہے ہیں؟ بڑی خبر آگئی

تفصیلات کے مطابق پنجاب کے تمام سرکاری و نجی اسکولوں میں موسمِ گرما کی تعطیلات کا اختتام قریب آتے ہی سرکاری اور نجی اسکولوں میں طلبا کی واپسی کی تیاریاں جاری ہیں۔

تاہم جاری مون سون بارشوں کے باعث تعطیلات میں ممکنہ توسیع سے متعلق قیاس آرائیاں بھی کی جا رہی ہیں کہ کیا یکم ستمبر 2026 کو اسکول دوبارہ کھلیں گے؟
موجودہ طے شدہ شیڈول کے تحت پنجاب میں گرمیوں کی تعطیلات 23 اگست 2026 کو ختم ہو رہی ہیں، جس کے بعد 24 اگست سے اسکول دوبارہ کھلنے کے قومی امکانات ہیں۔
ذرائع کا کہنا ہے کہ رواں سال 23 اگست سے آگے تعطیلات بڑھانے کی فی الحال کوئی تجویز یا رپورٹ زیرِ غور نہیں ہے۔
تاحال پنجاب حکومت کی جانب سے موسم گرما کی تعطیلات میں توسیع کا کوئی اعلان سامنے نہیں آیا جبکہ صوبے کے دریاؤں میں بھی کسی بڑے سیلابی خطرے کی پیش گوئی نہیں کی گئی، جس کے باعث امکان ظاہر کیا جا رہا ہے کہ اسکول مقررہ شیڈول کے مطابق 24 اگست سے کھل جائیں گے۔

تاہم، تعطیلات میں کسی بھی قسم کی توسیع یا شیڈول میں تبدیلی کا حتمی فیصلہ پنجاب حکومت ہی کرے گی۔
خیال رہے گزشتہ سال پنجاب حکومت نے شدید مون سون بارشوں اور مختلف علاقوں میں سیلابی صورتحال کے باعث سرکاری و نجی اسکولوں کی گرمیوں کی تعطیلات میں توسیع کرتے ہوئے انہیں 31 اگست 2025 تک بڑھا دیا تھا۔