پی ٹی آئی نے مولانا فضل الرحمان کے ساتھ اپوزیشن اتحاد کی منظوری دے دی

اے آر وائی نیوز کے مطابق پی ٹی آئی رہنما اسد قیصر کا کہنا ہے کہ آج جے یو آئی (ف) کے سربراہ مولانا فضل الرحمان کی دعوت پر اپوزیشن قیادت ان کی رہائشگاہ جائے گی۔

ایک سوال کے جواب میں اسد قیصر نے کہا کہ حکومت کے خلاف توہین عدالت کی کارروائی کے لیے عدلیہ سے رجوع کریں گے۔

انہوں نے کہا کہ ہماری پوری توجہ اب 27 ستمبر کی تحریک پر ہوگی۔

پی ٹی آئی رہنما جنید اکبر کا بھی کہنا ہے کہ مولانا کے ساتھ ملاقات آج ہے، پارلیمانی پارٹی اجلاس میں بہت سی چیزوں پر اتفاق ہوا ہے، کوشش ہے حکومت سے ناراض قوتیں ایک جگہ اکٹھی ہوں۔

واضح رہے کہ سربراہ جمعیت علمائے اسلام (ف) مولانا فضل الرحمان نے گزشتہ روز ’متحدہ اپوزیشن‘ کے قیام کا اعلان کیا۔