پیپلز پارٹی کا مینارِ پاکستان پر ورکرز کنونشن ہر صورت منعقد کرنے کا اعلان
پاکستان پیپلز پارٹی (PPP) نے اعلان کیا ہے کہ پنجاب حکومت کی جانب سے اجازت نہ ملنے کے باوجود لاہور کے مینارِ پاکستان گراؤنڈ میں ورکرز کنونشن ہر صورت منعقد کیا جائے گا۔
پی پی پی لاہور کے صدر فیصل میر نے ایک پریس کانفرنس کرتے ہوئے مسلم لیگ (ن) کی صوبائی حکومت پر کڑی تنقید کی۔ انہوں نے الزام لگایا کہ پنجاب حکومت سیاسی انتقام کا نشانہ بناتے ہوئے گزشتہ پانچ ہفتوں سے اجازت نامہ جاری کرنے میں لیت و لعل سے کام لے رہی ہے۔ فیصل میر نے وزیراعلیٰ مریم نواز سے مطالبہ کیا کہ وہ جمہوری اقدار اور میثاقِ جمہوریت کا پاس رکھیں۔ انہوں نے یہ بھی اعلان کیا کہ 17 جولائی سے مینارِ پاکستان کے باہر احتجاجی ریلیاں نکالی جائیں گی اور کنونشن شیڈول کے مطابق منعقد ہو گا۔