اسلام آباد میں پاکستان اور چین کی فارماسیوٹیکل اینڈ ہیلتھ کیئر سرمایہ کاری کانفرنس کا آغاز
پاک-چین فارماسیوٹیکل اینڈ ہیلتھ کیئر بزنس کانفرنس کا آغاز اسلام آباد میں ہو رہا ہے، جس میں 300 سے زائد پاکستانی اور 150 چینی ادویات ساز کمپنیاں شرکت کر رہی ہیں۔
وفاقی وزیر برائے صحت سید مصطفیٰ کمال نے میڈیا بریفنگ میں بتایا کہ دو روزہ سرمایہ کاری کانفرنس کا مقصد ادویات کی تیاری، جدید ہیلتھ کیئر ٹیکنالوجی کی منتقلی اور دونوں ممالک کی کمپنیوں کے مابین مشترکہ منصوبوں (Joint Ventures) کو فروغ دینا ہے۔ یہ کانفرنس وزارت صحت، ڈرگ ریگولیٹری اتھارٹی آف پاکستان (DRAP) اور ٹریڈ ڈیولپمنٹ اتھارٹی (TDAP) کے اشتراک سے منعقد کی جا رہی ہے تاکہ فارماسیوٹیکل سیکٹر میں مقامی پیداواری صلاحیت کو عالمی معیار کے مطابق ڈھالا جا سکے۔