ن ڈی ایم اے کا الرٹ: تربیلا ڈیم لائیو اسٹوریج کے قریب اور طغیانی کا خدشہ

نیشنل ڈیزاسٹر مینجمنٹ اتھارٹی (NDMA) اور محکمہ موسمیات (PMD) نے ملک بھر میں مون سون بارشوں کے نئے اور شدید سلسلے کے باعث ہنگامی الرٹ جاری کر دیا ہے۔ مسلسل بارشوں کے نتیجے میں تربیلا ڈیم اپنی آخری گنجائش کے انتہائی قریب پہنچ چکا ہے جس کے بعد ڈیم کے اسپیل ویز کھولنے کا امکان ہے۔ این ڈی ایم اے نے انتباہ جاری کیا ہے کہ دریائے سندھ اور کابل سے ملحقہ نچلے علاقوں، نیز پنجاب اور خیبر پختونخوا کے اہم شہروں میں ندی نالوں میں طغیانی اور اربن فلڈنگ (شہری سیلاب) کی صورتحال پیدا ہو سکتی ہے۔ تمام ضلعی انتظامیہ، ریکیوس ڈیوژنز اور پی ڈی ایم اے کو الرٹ رہنے اور نشیبی علاقوں سے آبادی کے محفوظ انخلا کے لیے اقدامات مکمل رکھنے کی ہدایت کی گئی ہے۔