غلط سرجری اور غفلت کا کیس: کراچی کی عدالت نے سول ہسپتال کو خاتون کو 6.5 ملین روپے ادا کرنے کا حکم دے دیا۔

کراچی کی سینئر سول جج (ساؤتھ) کی عدالت نے طبی غفلت سے متعلق کیس کا فیصلہ سناتے ہوئے سول ہسپتال کراچی کو متاثرہ خاتون نجمہ رضوان کو 65 لاکھ روپے (6.5 ملین) بطور ہرجانہ ادا کرنے کا حکم دیا ہے۔ خاتون کو زچگی کی سرجری کے لیے ہسپتال داخل کیا گیا تھا، تاہم ڈسچارج کے بعد ان کی طبیعت بگڑ گئی۔ دوسرے ہسپتال میں معائنے پر معلوم ہوا کہ پہلے ہسپتال میں غلط سرجری کی گئی تھی جس کی وجہ سے مزید پیچیدگیاں پیدا ہوئیں۔ عدالت نے تمام دلائل سننے کے بعد سول ہسپتال کی غفلت ثابت ہونے پر 60 دنوں کے اندر ہرجانے کی رقم ادا کرنے کی ہدایت جاری کی ہے۔ اس فیصلے کو طبی شعبے میں شہریوں کے حقوق اور جوابدہی کے حوالے سے انتہائی اہم قرار دیا جا رہا ہے