نائب وزیراعظم اسحاق ڈار کا دورہ شنگھائی؛ پاکستان عالمی آرٹیفیشل انٹیلیجنس آرگنائزیشن کا بانی رکن بنے گا
نائب وزیراعظم اور وزیر خارجہ اسحاق ڈار چین کے شہر شنگھائی کے دو روزہ دورے پر روانہ ہو رہے ہیں جہاں پاکستان عالمی آرٹیفیشل انٹیلیجنس کارپوریشن آرگنائزیشن (WAICO) کے بانی معاہدے پر دستخط کرے گا۔
چینی وزیر خارجہ وانگ ای کی دعوت پر نائب وزیراعظم اسحاق ڈار 16 اور 17 جولائی کو شنگھائی کا دورہ کر رہے ہیں۔ وہ عالمی آرٹیفیشل انٹیلیجنس کوآپریشن آرگنائزیشن (WAICO) کے قیام کی تقریب میں شرکت کریں گے اور پاکستان کی جانب سے بانی معاہدے پر دستخط کریں گے۔ اسحاق ڈار دورے کے دوران گلوبل اے آئی گورننس کے اعلیٰ سطح کے اجلاس میں ترقی پذیر ممالک کے لیے ٹیکنالوجی تک مساوی رسائی اور اے آئی کے شعبے میں پائے جانے والے عالمی فرق کو ختم کرنے کی اہمیت پر بھی زور دیں گے۔