ملک بھر کی شاہراہوں اور عمارتوں پر برقی ققمقموں سے چراغاں، گرینڈ آزادی ریلیوں کا انعقاد
رات گئے تک شہروں میں ریلیوں کا جوش و خروش جاری رہا، سرکاری و نجی عمارتیں سبز و سفید رنگ میں نہا گئیں۔
14 اگست کے پرمسرت موقع پر ملک بھر کے شہر اور قصبات سبز و سفید رنگوں میں رنگے نظر ائے۔ اسلام آباد میں پارلیمنٹ ہاؤس، ایوانِ صدر، وزیراعظم ہاؤس، سپریم کورٹ اور صوبائی دارالحکومتوں میں اسمبلیاں اور اہم سرکاری عمارتیں برقی قمقموں اور جھنڈیوں سے دلکش انداز میں سجائی گئیں۔ رات ہوتے ہی سرکاری و نجی عمارتوں پر کیا گیا چراغاں دیکھنے کے لیے شہریوں کی بڑی تعداد سڑکوں پر نکل آئی۔
دن بھر تمام اضلاع میں مختلف سیاسی، سماجی، یوتھ تنظیموں اور تعلیمی اداروں کی جانب سے گرانڈ آزادی ریلیاں اور واکس کا انعقاد کیا گیا۔ شہریوں، خواتین اور بچوں نے قومی لباس زیبِ تن کر کے، ہاتھوں میں قومی پرچم اور سبز و سفید غبارے اٹھا کر ملی نغموں کی دھنوں پر جشنِ آزادی منایا۔ لاہور کے مینارِ پاکستان، کراچی کے ساحلِ سمندر اور اسلام آباد کے فضلِ حق روڈ اور دامنِ کوہ پر شہریوں کی آمد کا سلسلہ رات گئے تک جاری رہا۔
دن بھر تمام اضلاع میں مختلف سیاسی، سماجی، یوتھ تنظیموں اور تعلیمی اداروں کی جانب سے گرانڈ آزادی ریلیاں اور واکس کا انعقاد کیا گیا۔ شہریوں، خواتین اور بچوں نے قومی لباس زیبِ تن کر کے، ہاتھوں میں قومی پرچم اور سبز و سفید غبارے اٹھا کر ملی نغموں کی دھنوں پر جشنِ آزادی منایا۔ لاہور کے مینارِ پاکستان، کراچی کے ساحلِ سمندر اور اسلام آباد کے فضلِ حق روڈ اور دامنِ کوہ پر شہریوں کی آمد کا سلسلہ رات گئے تک جاری رہا۔