یو اے ای میں پیٹرول اور ڈیزل مہنگا، نئی قیمتوں کا اعلان

تفصیلات کے مطابق متحدہ عرب امارات کی فیول پرائس کمیٹی نے ستمبر 2026 کے لیے پیٹرول اور ڈیزل کی نئی قیمتوں کا اعلان کردیا، جس کے تحت تمام اقسام کے ایندھن کی قیمتوں میں اضافہ کیا گیا ہے۔

نئی قیمتوں کے تحت سپر 98 پیٹرول 3.80 درہم فی لیٹر میں دستیاب ہوگا، جو اگست میں 3.60 درہم فی لیٹر تھا۔

اسپیشل 95 پیٹرول کی قیمت 3.69 درہم فی لیٹر مقرر کی گئی ہے، جبکہ اگست میں اس کی قیمت 3.49 درہم فی لیٹر تھی۔

اسی طرح ای پلس پیٹرول کی قیمت 3.61 درہم فی لیٹر کردی گئی ہے، جو گزشتہ ماہ 3.41 درہم فی لیٹر تھی۔

ڈیزل کی قیمت میں بھی نمایاں اضافہ کیا گیا ہے اور ستمبر کے لیے 4.30 درہم فی لیٹر مقرر کی گئی ہے، جبکہ اگست میں ڈیزل 3.80 درہم فی لیٹر میں فروخت ہورہا تھا۔

وزارتِ توانائی کی ہدایت کے مطابق ان نئی اور ترمیم شدہ قیمتوں کا باقاعدہ اطلاق یکم ستمبر 2026 سے پورے ملک میں ہوگا۔

یو اے ای کی فیول پرائس کمیٹی ہر ماہ کے اختتام پر عالمی توانائی مارکیٹ میں قیمتوں کے رجحانات کو مدنظر رکھتے ہوئے ملک میں پیٹرول اور ڈیزل کی خوردہ قیمتوں کا جائزہ لے کر نئی قیمتوں کا اعلان کرتی ہے۔

واضح رہے کہ یو اے ای کی فیول پرائس کمیٹی عالمی منڈی میں خام تیل اور انرجی مارکیٹ کے رجحانات اور اتار چڑھاؤ کو مدِنظر رکھتے ہوئے ہر ماہ کے آخر میں پیٹرولیم مصنوعات کی قیمتوں کا جائزہ لے کر نئی قیمتوں کا تعین کرتی ہے۔