اریجیت سنگھ کا مداحوں کو سرپرائز: عارضی بریک کے دوران 'آوارہ پن 2' کے لیے گانا ریکارڈ کرا دیا

عالمی سطح پر مقبول گلوکار اریجیت سنگھ نے میوزک انڈسٹری سے لیے گئے اپنے عارضی وقفے (Music Break) کے باوجود کلاسک فلم کے سیکوئل 'آوارہ پن 2' (Awarapan 2) کے لیے نیا گانا ریکارڈ کروا کر اپنے کروڑوں مداحوں کو سرپرائز دیا ہے۔ موصولہ اطلاعات کے مطابق 'آوارہ پن' کے آئیکونک گانوں 'تیرا میرا رشتہ' اور 'تو پھر آؤ' کی مقبولیت کے باعث اریجیت سنگھ نے اس پروجیکٹ کے لیے خاص استثنیٰ دیا۔ فلم کے شاعر اور موسیقار سعید قادری نے بتایا کہ اریجیت سنگھ اس گانے کی روح کو اچھے سے سمجھتے تھے اور ان کی آواز نے گانے میں ایک نئی زندگی پھونک دی ہے۔ سوشل میڈیا پر اریجیت سنگھ کے اس فیصلے پر ان کے چاہنے والوں کی جانب سے انتہائی جوش و خروش کا اظہار کیا جا رہا ہے۔