ابتدائی رپورٹس کے مطابق بانی پی ٹی آئی ہشاش بشاش ہیں: عطا اللہ تارڑ

عطا اللہ تارڑ نے پریس کانفرنس کرتے ہوئے بتایا کہ عمران خان کے علاج معالجے سے متعلق انتظامیہ نے عدالتی آرڈر پر عملدرآمد کیا، ہمارا ہمیشہ مؤقف رہا ہے کہ صحت کے معاملے پر سیاست نہیں ہونی چاہیے، لیکن یہ جب خود وزیر اعظم تھے تو لوگوں کی صحت پر طنز کیا کرتے تھے، ان کے دوسروں کی صحت سے متعلق بیانات سب پر عیاں ہیں، ہم نے کبھی کسی کی صحت پر توہین آمیز رویہ نہیں اپنایا۔

وفاقی وزیر اطلاعات و نشریات نے کہا کہ عدالتی احکامات پر عملدرآمد کیا گیا عمران خان کا چیک اپ کروایا گیا، بانی پی ٹی آئی کے علاج معالجے کے وقت ان کی بہن بھی موجود تھیں جبکہ شفا انٹرنیشنل اسپتال کے ڈاکٹرز بھی تھے۔