غیر مسلم شخص نے قرآنی علم کے مقابلے میں عمرے کا انعام جیت لیا

مصر میں ایک عیسائی شخص نے اسلامی مذہبی مقابلے میں حصہ لینے کے بعد مفت عمرہ کا ٹرپ جیت لیا ہے جس میں خود عیسائی ہونے کے باوجود شرکاء کے قرآن کے علم کا امتحان لیا گیا تھا۔

مینا کے نام سے شناخت کیے گئے اس شخص کا شروع سے ہی ایک غیر معمولی مقصد تھا وہ چاہتا تھا کہ اپنے مسلمان پڑوسی، جسے امِ علی یا مونا کے نام سے جانا جاتا ہے، کو انعام کے طور پر عمرہ پیکیج دے تاکہ اس کی دیرینہ خواہش پوری ہو سکے۔

اسکائی نیوز عربیہ کے مطابق مینا نے کہا کہ اس نے اسلامی مبلغ ڈاکٹر ایمن ابو عمر کی میزبانی میں ایک سوشل میڈیا لائیو اسٹریم دیکھی اور دیکھا کہ اس کی پڑوسن عمرہ جیتنے کی امید میں قرآن کے بارے میں سوالات کے جوابات دے رہی ہے۔

یہ جاننے کے بعد کہ یہ سفر اس خاتون کے لیے کتنا معنی رکھتا ہے، مینا نے خود مقابلے میں شامل ہونے کا فیصلہ کیا۔ اس نے وضاحت کرتے ہوئے کہا کہ اس کا واحد مقصد خاتون پڑوسی کے لیے عمرہ کا ٹکٹ جیتنا تھا۔ اس نے کہا کہ میں عیسائی ہوں، لیکن میں نے اسلامی مذہبی مقابلے میں حصہ لیا۔

مینا نے کہا کہ اس نے امِ علی سے کہا کہ وہ ان کے ساتھ حصہ لیں گے، یہ دلیل دیتے ہوئے کہ اگر وہ جیت نہیں پاتی ہیں، تب بھی ایک موقع ہے کہ وہ ان کی طرف سے انعام حاصل کر سکتا ہے۔

اس شخص نے 50 سے 60 درست جواب جمع کرائے اور مینا نے مفت عمرہ کا سفر جیت لیا، جسے اس نے پڑوسی خاتون کو دینے کا ارادہ کیا۔