گوگل کا انکشاف، جِمن بھی جیمنی سے مداحوں کے لیے پیغامات لکھوانے لگے

گوگل نے اپنے مصنوعی ذہانت پر مبنی اسسٹنٹ جیمنی (Gemini) کے لیے عالمی مہم شروع کر دی ہے، جس میں جنوبی کوریا کے معروف میوزک گروپ بی ٹی ایس کے رکن جِمن کو بھی شامل کیا گیا ہے۔

اس مہم میں جمن کو جیمنی کی مدد سے اپنے مداحوں کے لیے پیغامات تیار کرتے دکھایا گیا ہے۔ جمن نے جیمنی سے ایسے پیغامات لکھنے میں مدد لی جن کے ذریعے وہ اسٹیج پر ہر بار قدم رکھتے وقت محسوس ہونے والے اپنے جذبات مداحوں تک بہتر انداز میں پہنچا سکیں۔

جمن نے بتایا کہ جب وہ مداحوں کو خطوط یا پیغامات بھیجتے ہیں تو وہ ہر لفظ بہت احتیاط سے منتخب کرتے ہیں۔ ان کا کہنا تھا کہ وہ چاہتے ہیں کہ مداح ان کے پیغامات میں موجود خلوص کو محسوس کر سکیں۔