غزہ پر اسرائیلی فضائی حملے میں 4 سالہ بچے سمیت 2 افراد شہید، 7 زخمی

غزہ میں جاری اسرائیلی فضائی حملوں کے نتیجے میں ایک چار سالہ بچے سمیت دو فلسطینی شہید اور سات زخمی ہو گئے ہیں۔ جنگ بندی کے باوجود ہونے والے ان حملوں کے بعد شہداء کی مجموعی تعداد 1,280 سے تجاوز کر گئی ہے۔

فلسطینی ذرائع کے مطابق غزہ کے وسطی علاقے الزوایدہ میں ایک رہائشی عمارت کو فضائی حملے میں نشانہ بنایا گیا، جس کے نتیجے میں شدید دھماکہ ہوا اور حملے کے بعد ملبہ اور دھاتی ٹکڑے پورے علاقے میں پھیل گئے۔

فلسطینی وزارتِ صحت کے مطابق دوسرا اسرائیلی فضائی حملہ قریبی علاقے نصیرات پناہ گزین کیمپ میں کیا گیا۔

واضح رہے کہ اکتوبر دو ہزار پچیس میں جنگ بندی کے معاہدے کے باوجود اسرائیلی فوج کی جانب سے غزہ پر حملے کا سلسلہ وقفے وقفے سے جاری ہے اور حملے مکمل طور پر بند نہیں ہوئے۔