جنوبی افریقہ کے خلاف ٹی ٹوئنٹی سیریز کے لیے پاکستان ویمنز انڈر 19 اسکواڈ کا اعلان
نیشنل سلیکشن کمیٹی نے کراچی میں ہونے والی جنوبی افریقہ کے خلاف ہوم سیریز کے لیے 17 رکنی یوتھ اسکواڈ کا اعلان کر دیا ہے۔
پی سی بی ویمنز سلیکشن کمیٹی نے جنوبی افریقہ انڈر 19 کے خلاف ہوم ٹی ٹوئنٹی سیریز کے لیے پاکستان کی 17 رکنی ٹیم کا اعلان کیا ہے، یہ سیریز 14 سے 24 جولائی تک کراچی میں کھیلی جائے گی۔ ہیڈ کوچ شاہد انور کی نگرانی میں یوتھ کوچز ملتان کے تربیتی کیمپ میں 31 کھلاڑیوں کے ساتھ کام کر رہے ہیں تاکہ مستقبل کی اسٹارز کو بین الاقوامی چیلنجز کے لیے تکنیکی اور ذہنی طور پر تیار کیا جا سکے۔