ترکش پیٹرولیم پاکستان کے سمندروں میں ڈرلنگ شروع کرے گی، وزیر پیٹرولیم
وفاقی وزیر پیٹرولیم کے مطابق ترکش پیٹرولیم جلد آف شور ڈرلنگ شروع کرے گی جس سے اربوں ڈالر کی سرمایہ کاری متوقع ہے۔
وفاقی وزیر برائے پیٹرولیم علی پرویز ملک نے ایک پریس کانفرنس کے دوران اعلان کیا ہے کہ ترکش پیٹرولیم کی جانب سے پاکستان کے سمندری حدود میں جلد آف شور ڈرلنگ کا باقاعدہ آغاز کیا جا رہا ہے۔ اس منصوبے کے ذریعے ملک کے توانائی کے شعبے کو تحرک ملے گا اور آنے والے دنوں میں توانائی کے بحران میں نمایاں کمی دیکھنے کو مل سکتی ہے۔ وزیر پیٹرولیم کے مطابق اس اہم منصوبے کے نتیجے میں آئندہ ماہ سے تقریباً 5 ارب ڈالر کی غیر ملکی براہ راست سرمایہ کاری کے معاہدے طے پائیں گے اور ان پر عملدرآمد شروع ہوگا۔