وزیراعظم شہباز شریف کا زراعت اور لائیو اسٹاک کی مدد سے ایک سال میں معیشت کی بحالی کا عزم
وزیراعظم شہباز شریف کا کہنا ہے کہ زراعت اور لائیو اسٹاک پر مکمل توجہ مرکوز کر کے ملکی معیشت کو محض ایک سال میں بحال کیا جا سکتا ہے۔
اسلام آباد میں "پاکستان کی لائیو اسٹاک کی صلاحیتوں سے فائدہ اٹھانا" کے عنوان سے منعقدہ ایک قومی سیمینار سے خطاب کرتے ہوئے وزیراعظم شہباز شریف نے کہا کہ پاکستان کے پاس زرخیز زمین اور وافر وسائل موجود ہیں، لیکن جدید ٹیکنالوجی کی کمی کی وجہ سے ہم پیچھے رہ گئے ہیں۔ انہوں نے اعلان کیا کہ حکومت لائیواسٹاک کے شعبے کو فروغ دینے کے لیے جانوروں کی بیماریوں سے بچاؤ کی مقامی ویکسین تیار کرنے کے لیے 100 فیصد فنڈنگ فراہم کرے گی۔ اس کے علاوہ، ملک بھر سے 1,000 نئے زرعی گریجویٹس کو جدید تربیت کے لیے سرکاری خرچ پر چین بھیجا جائے گا۔ انہوں نے لائیو اسٹاک کی پیداوار بڑھانے اور بیماریوں پر قابو پانے کے لیے "پاکستان اینیمل آئیڈینٹی فکیشن اینڈ ٹریس ایبلٹی سسٹم" کا افتتاح بھی کیا۔